قصيدة عن قناعة النفس

Admin · #1 10-10-2023, 01:50 AM

من تقنع النـــفـــس قنـعت لوتـــعاتبـها
ماعاد ترجـــع كـــما لاول على العـــاده

شيء ٍ بلا شـــفـــها ماعاد يـــطـــربـها
اذا انـــكـــفـــت مالها في تــركـــها راده

نفسي على ماكرهــت ماني بغاصبها
ماهي على المخدعه والشين معتاده

بالأرض عايــش وماشي في منــاكبها
والـحـــمـــد والـــشكـــر للمعبود وزياده

ماحـــد رزقـــه بيـــد غـــيره ويــطـــلبها
الـــرزق عـن الـــذي يرجـــونــه عـــباده

خـــل الهـــضيـــمـــه وتــركها لـصاحـبها
لـــو كان عـــندك بعــير ٍ عاجــز شداده

من تلدغ اليد في الحـــفــره عـــقاربها
ماتـــردها ثانيـــه والعــقــرب اســـداده

واختار م الهـــجن ســير البعد يــطربها
ماتتبـــع الظـــل يـــوم الشمـس وقاده

والـــدار من يـــوم تتــكـــدر مشـــاربها
ما للمعـــيـــشه بها ذوق ٍ على الراده

ماتــدمـــع العـــين إلا لها ســـبايبـــها
إمـــا وغـــف أو بـــها عـــلـــه ونـــكــاده
:

كلمات الشاعر ..
أحمد بن علي الكندي المرر
رحمه الله ..